İtaliyanın Kataniya şəhərində keçirilmiş futbol üzrə “Siciliya Kuboku 2023”də uğurla çıxış edən Azərbaycan vəkilləri qızıl medal qazanıblar.
Azərbaycan Respublikasının Vəkillər Kollegiyasının üzvləri A qrupunda indoneziyalı həmkarlarına 7:2, İran kollektivinə isə 5:1 hesabı ilə qalib gəlsələr də, rumıniyalılara uduzub (5:1), xorvatlarla (2021 və 2022-ci ilin çempionları) heç-heçə (3:3) ediblər. Səkkizdəbir finalda braziliyalılara 2:3 hesabı ilə yenilən komandamız 1/4 mərhələyə keçə bilməyən ən yaxşı 4 komandadan biri olaraq “Siciliya Kuboku 2023” turnirində yarımfinal oyununa çıxıb.
Finala gedən yolda İtaliyanın “Criminal Lawyers” klubuna 5:0, həlledici matçda isə “Altra Lex”ə 2:1 hesabı ilə qalib gələn yığmamız qızıl medala sahib çıxıblar.
Xatırladaq ki, 2022-ci ildə Mərakeşdə keçirilmiş dünya çempionatında Azərbaycanın vəkil və hüquqşünasları bürünc medal qazanmışdı.
Leyla SABİRQIZI
XQ
