Azərbaycan taekvondoçusu Zemfira Həsənzadə 21 yaşadək idmançılar arasında Avropa çempionatında bürünc medal qazanıb.
Azərbaycan Taekvondo Federasiyasından “XQ”yə bildiriblər ki, 46 kiloqram çəki dərəcəsində mübarizə aparan yığma üzvü ilk döyüşündə finlandiyalı Ada-Emilya Tammilanı məğlub edib. O, ardınca Giulia Qalero (İtaliya) və Melina Georgiouya (Yunanıstan) da qalib gələrək yarımfinala yüksəlib. Taekvondoçumuz bu mərhələdə ispaniyalı Sofia Qarsiyaya uduzaraq Avropa çempionatını 3-cü yerdə başa vurub.
Leyla SABİRQIZI
XQ
