İspaniyanın paytaxtı Madriddə “Arnold Classic Europe” idman festivalı çərçivəsində keçirilən pauerliftinqin WRPF versiyası üzrə Avropa çempionatında Azərbaycan idmançıları 4 qızıl medal qazanıblar.
Komandamızın üzvü Vüqar Namazov (140 kq) master kateqoriyasında “deadlift” hərəkəti üzrə 330 kiloqram nəticə ilə çempion adını qazanıb. Komandamızın aktivinə digər qızıl medalı yeniyetmələr arasında mübarizə aparan İlkin Namazov (125 kq) “benç press” hərəkətində 152,5, “deadlift”də isə 230 kiloqram nəticə göstərərək yazdırıb. Ramil Əhmədov (100 kq) “Open” kateqoriyasında, ümumilikdə 815 kiloqram göstərici ilə Avropa çempionu olub. O, “squat” hərəkətində 310, “benç press”də 205, “deadlift”də isə 300 kiloqramın öhdəsindən gəlib. Vüsal Ağalarov isə “Open” kateqoriyasında 100 kiloqram çəki dərəcəsində rəqiblərini üstələyərək 850 kiloqram göstərici ilə fəxri kürsünün ən yüksək pilləsində yer alıb.
Leyla SABİRQIZI
XQ