Minifutbol üzrə "Birbaşa Bakı" komandası bu gün Bolqarıstanın paytaxtı Sofiyada təşkil olunan Çempionlar Liqasında ikinci oyununa çıxıb.
"XQ" UEFA-nın rəsmi məlumatına istinadən bildirir ki, rəqib Moldovanın "Volta" kollektivi olub və qarşılaşma Azərbaycan təmsilçisinin 4:1 hesablı qələbəsi ilə başa çatıb.
Qeyd edək ki, bir gün öncə "Birbaşa Bakı" Yunanıstan çempionu “Maqufana”nı 3:1 hesabı ilə məğlub edib.
Bununla da, xallarının sayını 6-ya çatdıran "Birbaşa Bakı" səkkizdəbir finala vəsiqəni təmin edib.
Üçüncü görüşdəki rəqib Albaniyanın "Prestij" klubu olacaq. Matç bu axşqm 20:00-da başlayacaq.
Elçin ABBASOV,
"Xalq qəzeti"