Bu gün UEFA Avropa Liqasının pley-off mərhələsinin cavab görüşləri çərçivəsində Ağdamın “Qarabağ” klubu Bakıda Tofiq Bəhramov adına Respublika Stadionunda Sloveniyanın Lyublyana şəhərinin “Olimpiya” komandasını qəbul etdi.
FİFA referisi Alexandro Hernandesin idarə etdiyi matçın ilk dəqiqələrində oyunda qonaqların fəallığı müşahidə olunsa da, birinci hissənin 15-ci dəqiqəsindən sonra artıq “Qarabağ” öz kəsərli hücumları ilə rəqibi sıxışdırmağa başladı. “Qarabağ”ın hücumunun qarşısını kobudluqla almağa çalışan “Olimpiya” 11 metrlik cərimə zərbəsi ilə cəzalandırıldı. 24-cü dəqiqədə bu fürsətdən yararlanan “Qarabağ” Toral Bayramovun sərbəst zərbəsi ilə hesabı açdı.
“Olimpiya” futbolçuları 36-cı dəqiqədə hesaba tarazlıq gətirməyi bacardılar. Qonaqların heyətində Dieqo Pinto fərqləndi. İkinci hissədə qarşılıqlı hücumlar təşkil edilsə də, nəticə dəyişmədi. “Qarabağ” –“Olimpiya” matçı 1:1 hesablı heç-heçə ilə başa çatdı.
Qeyd edək ki, bu heç-heçədən sonra Ağdam təmsilçisi UEFA Avropa Liqasının qrup mərhələsinə adladı.
XQ