“Qarabağ”ın UEFA Avropa Liqasının pley-off mərhələsində “Olimpiya” ilə keçirəcəyi cavab oyununu yayımlayacaq telekanal dəyişib.
Ağdam təmsilçisi əvvəlcə “CBC Sport”la razılaşsa da, sonradan fərqli qərar qəbul edib. Belə ki, avqustun 31-də Sloveniya klubu ilə baş tutacaq oyunu “İdman TV” yayımlayacaq. Görüş saat 20:00-da başlayacaq.
Xatırladaq ki, avqustun 24-də Lyublyanada keçirilən ilk görüşün yayım hüququna malik olan “İdman TV” yalnız 69-cu dəqiqədən etibarən matçı canlı təqdim edib. Həmin qarşılaşmada “Qarabağ” 2:0 hesablı qələbə qazanıb.
L.SABİRQIZI, “Xalq qəzeti”
