Olimpiya çəki dərəcələri üzrə və gənclər arasında Avropa çempionatlarında iştirak edən millimiz Vətənə qayıdıb. Heydər Əliyev adına Beynəlxalq Hava Limanında idmançıları federasiya rəsmiləri, məşqçi-müəllimlər və idmançı­lar, ailə üzvləri qarşılayıblar.

Yarışlarda uğurla çıxış edərək mü­kafat qazanmış idmançılar və onların məşqçiləri çempionatla bağlı təəssü­ratlarını media nümayəndələri ilə bölü­şüblər. 

Taekvondo üzrə gənclərdən ibarət milli komandanın baş məşqçisi Məm­məd Abdullayev yığmamızın Avropa çempionatında uğurla çıxış etdiyini və ilk dəfə Olimpiya çəki dərəsində qızıl medal qazanıldığını bildirib: “İdmançı­larımız yaxşı formadadırlar. Qitə çem­pionatına yüksək nəticələr üçün yollan­mışdıq. Yarışda böyüklərdən 7 nəfər, gənclərdən isə 13 idmançımız iştirak edib. Hər iki yığma yaxşı nəticə göstə­rib. Nailiyyətlərin davamlı olması üçün səylərimizi bundan sonra da davam et­dirəcəyik”.

Avropa çempionatının qalibi Qa­şım Maqomedov jurnalistlərə müsahi­bəsində yarışa yaxşı hazırlaşdıqlarını qeyd edib. Bildirib ki, potensialından maksimum istifadə etdiyi üçün məm­nundur: “Bu, hamımızın uğurudur. Çox sevinirəm ki, bu şərəfli işin öhdəsindən gəldim”. 

Gümüş mükafatçı Cavad Ağayev həlledici mərhələdə qızıl medalın bir addımlığında büdrədiyini deyib: “Bəzi kiçik səhvlərə görə qızıl medal qazana bilmədim. İnşallah gələn dəfə baş mü­kafatı əldə etməyə çalışacağam”. 

Gənclər arasında ikinci yeri tutan Səlimə Quliyeva da bəzi xırda səhvlərə görə qızıl medaldan məhrum olduğunu bildirib: “Qızıl medal qazanmaq üçün bütün şanslarım var idi. Amma bəzi məqamlarda kiçik səhvlərə yol verdim. Bütün görüşlərimi qalibiyyətlə başa vursam da, final görüşündə türkiyəli id­mançıya məğlub oldum. Buna görə bir az təəssüfləndim. Lakin Vətənə medal­la qayıtdığım üçün çox sevinirəm”.

Qeyd edək ki, Estoniyanın paytaxtı Tallində Olimpiya çəki dərəcələri üzrə Avropa çempionatında uğurla çıxış edərək 1 qızıl və 2 gümüş medal qa­zanan komandamız medal əyarına görə ikinci yeri tutub. Millimiz ümumi komanda hesabında da Avropanın ən güclüləri sırasına düşərək 3-cü nəticə göstərib. 

Xatırladaq ki, Olimpiya çəki dərə­cələri üzrə Qaşım Maqomedov (58 kq) qızıl, Cavad Ağayev (68 kq) və Həmid­reza Badrialiabadi (+80 kq) gümüş me­dal qazanıblar.

Gənclər arasında Avropa çempi­onatında isə Azərbaycan yığması 2 medal qazanıb. Taekvondoçularımız­dan Səlimə Quliyeva (42 kq) gümüş, Məhəmməd Həsənli (45 kq) bürünc mükafata sahib olublar. 

L.QURBANOVA, “Xalq qəzeti”