Türkiyənin İstanbul şəhərində keçirilən U-17 dünya çempionatında 5 medal qazanan yunan-Roma güləşi üzrə Azərbaycan millisi 108 xal toplayaraq komanda hesabında dünya ikincisi olub.
2 qızıl, 1 gümüş və 2 bürünc medala sahiblənən yığmamız bununla, medalların əyarına görə, son 4 ilin ən yaxşı nəticəsini qazanıb. Böyük məşqçi Taleh İsrafilov, məşqçilər Nazim Əhmədovla Rasim Ağayevin rəhbərliyi altında dünya çempionatında mübarizə aparan güləşçilərimizdən Turan Daşdəmirov (45 kq) və Roman Kərimov (60 kq) qalib adını qazanıblar. Yusif Əhmədli (65 kq) gümüş, Elnar Ziyadovla (48 kq) və Mikayıl İsmayılov (92 kq) isə bürünc medala sahib olublar.
Leyla SABİRQIZI, “Xalq qəzeti”
