Azərbaycan Premyer Liqasında 2023/2024 mövsümünün I turunun oyun cədvəli müəyyənləşib.
Mövsümə Tovuzda start veriləcək. Yerli “Turan Tovuz” avqustun 4-də elitaya qayıdan “Araz-Naxçıvan”la görüşəcək. Avqustun 5-də “Səbail” – “Sumqayıt”, “Qarabağ” – “Zirə” qarşılaşmaları keçiriləcək. Bir gün sonra isə “Kəpəz” – “Neftçi”, “Sabah” – “Qəbələ” oyunları baş tutacaq.
Qeyd edək ki, aparılan işlərin yekunları ilə tanış olmaq məqsədilə qarşılaşmaların təşkil ediləcəyi Tovuz və Gəncə şəhər stadionlarına iyulun 31-də yekun baxış keçiriləcək.
Leyla SABİRQIZI, “Xalq qəzeti”
