Ağdamın "Qarabağ” klubu bu axşam UEFA Çempionlar Liqasının II təsnifat mərhələsi çərçivəsində ilk görüşünü keçirəcək. Matç Bakı vaxtı ilə saat 22:15-də start götürəcək. Azərbaycan çempionu Polşa təmsilçisi “Rakuv”la münasibətlərə aydınlıq gətirəcək.
Onu da əlavə edək ki, ilk mərhələdə Cəbəllüttariq çempionu “Linkoln”u hər iki görüşdə üstələyən (səfərdə 2:1, evdə 4:0) "köhlən atlar" “Rakuv”la ilk matçını Polşanın Çenstoxova şəhərinin “Miejski” stadionunda keçirəcəklər. Oyunu isveçrəli təcrübəli hakim Lukas Fandrix idarə edəcək.
Qeyd edək ki, bu komandalar arasında cavab qarşılaşması avqustun 2-də Bakı Olimpiya Stadionunda baş tutacaq.
Elçin ABBASOV,
"Xalq qəzeti"
.jpg)
