Kosovanın paytaxtı Priştina şəhərində 16 yaşlı oğlanlar arasında keçirilən basketbol üzrə Avropa çempionatı "C" divizionunun oyunları davam edir.
Azərbaycan Basketbol Federasiyasından "Xalq qəzeti"ə bildirilib ki, "B"qrupunda qərarlaşmış U-16 millimiz qrupdakı ilk oyununda Kipr yığmasına 51-65 hesabı ilə məğlub olub. U-16 millimizin qrupdakı növbəti rəqibi Ermənistan komandası olacaq.
Oyun 21 iyul Bakı vaxtı ilə saat 17:00 -da baş tutacaq və FIBA -nın rəsmi "youtube" hesabından canlı olaraq yayımlanacaq.
A.Elçin,
"Xalq qəzeti"
.jpg)
