Macarıstanın Eqer şəhərində gənc və yeniyetmə boksçular arasında beynəlxalq turnirdə Azərbaycan millisi uğurla çıxış edərək 4 qızıl, 3 gümüş və 3 bürünc medal qazanıb.
Gənc boksçularımızdan Sübhan Məmmədov (51 kq), Məhəmmədəli Aşurəliyev (57 kq), Fərhad Şeydayev (75 kq) bütün rəqiblərinə qalib gələrək qızıl medala sahib olublar. Tağı Nəsibov (54 kq) və Məhəmmədəli Qasımzadə (60 kq) finalda məğlub olaraq gümüş medalla kifayətləniblər. Ömər Aslanlı (54 kq) isə bürünc medal alıb.
Yeniyetmə boksçularımızdan ən yüksək nəticəni Banuçiçək Nəsirli (46 kq) qazanıb. Təmsilçimiz bütün mərhələlərdə üstünlüyünü nümayiş etdirərək turnirin qalibi adına layiq görülüb. Yalnız finalda uduzan Özləm Həsənova (63 kq) ikinci pillədə qərarlaşıb. Komandamızın digər üzvləri İnci Məcidli (50 kq) və Abbasqulu Şadlinski (63 kq) 3-cü yerləri tutublar.
Yığmanın heyətində M.Aşurəliyev yarışın ən texnikalı, M.Qasımzadə isə ən əzmkar boksçusu seçilib.
L.QURBANOVA, “Xalq qəzeti”
.jpg)
