UEFA Çempionlar Liqasında yarımfinal mərhələsinin ilk oyunlarına yekun vurulub.
Belə ki, yarımfinal mərhələsinin ikinci matçında İtaliya "Milan"ı eyni şəhərin digər təmsilçisi "İnter"i qəbul edib. "San Siro" stadionundakı matç qonaqların 0:2 hesablı qələbəsi ilə yekunlaşıb.
Oyunda hesab 8-ci dəqiqədə açılıb. "İnter"in hücumçusu Edin Ceko fərqlənib. Bundan 3 dəqiqə sonra Henrix Mxitaryan ikinci topu meydan sahiblərinin qapısından keçirib. 31-ci dəqiqədə Milanın eyniadlı təmsilçisinin qapısına penalti təyin edən matçın baş hakimi Xesus Hil Mansano VAR-a baxdıqdan sonra qərarını ləğv edib.
Qey edək ki, bu komandalar arasında cavab qarşılaşması mayın 16-da olacaq.
Elçin AĞAMİRZƏ,
"Xalq qəzeti"
