Almaniyanın Hannover şəhərində keçirilən güllə atıcılığı üzrə beynəlxalq turnirdə Azərbaycan paralimpiyaçısı Aybəniz Babayeva gümüş medala sahib olub.
Təmsilçimiz pnevmatik tapançadan 10 metr məsafəyə atəşaçma (P2) yarışında ikinci pillədə qərarlaşıb. Yığmanın digər üzvü Yelena Taranova finala vəsiqə qazansa da, nəticədə yarışı beşinci yerdə başa vurub.
Qeyd edək ki, turnir sentyabrın 17-29-da Perunun paytaxtı Limada keçiriləcək dünya çempionatına lisenziya xarakteri daşıyır.