Futbol üzrə Azərbaycan kuboku yarışlarında ikinci finalçı da müəyyənləşib. Dünən turnirin yarımfinal mərhələsinin cavab oyunları çərçivəsində “Səbail” klubu “Qəbələ”ni qəbul edib.
“ASCO Arena”da keçirilən görüş “Qəbələ”nin 1:0 hesablı qələbəsi ilə başa çatıb. Oyunda yeganə qolu 11 metrlik cərimə zərbəsindən qonaqların futbolçusu İsnik Alimi vurub.
Xatırladaq ki, komandalar arasında keçirilmiş ilk matçda “Qəbələ” klubu 3:2 hesablı əzmkar qələbə qazanmışdı.
Qeyd edək ki, bundan əvvəl “Neftçi” komandası ölkə kubokunda finala adlayan ilk komanda olmuşdu.
Elçin ABBASOV, “Xalq qəzeti”
