İlk sovet ikipilləli termonüvə bombası RDS-37-nin yaradıcılarından biri olan Qriqori Klinişov Moskvanın mərkəzindəki mənzildə ölü tapılıb.

Fövqəladə Hallar Xidməti TASS agentliyinə onun intihar etdiyini bildirib.

Agentliyin həmsöhbətinin sözlərinə görə, Klinişov Kosmodamianskaya sahilindəki mənzildə tapılıb, ölüm intihar nəticəsində olub.

Mənbə vurğulayıb ki, Klinişovun meyitinin yanında onun yaxınları ilə vidalaşdığı intihar məktubu tapılıb.

Qeydin məzmunu ilə bağlı başqa təfərrüatlar verilməyib.

Məlumdur ki, Klinişov sovet nəzəri fiziki və hüquq müdafiəçisi Andrey Saxarovun rəhbərliyi altında nəzəri şöbədə mühəndis vəzifəsində çalışıb.

Qriqori Klinişov 1930-cu ildə anadan olub. Fizika-riyaziyyat elmləri namizədi, 1962-ci ildə Lenin mükafatı laureatıdır.

Yaradılmasında iştirak etdiyi bombanın sınaqları 22 noyabr 1955-ci ildə Semipalatinsk poliqonunda baş tutub.

İlk sovet iki mərhələli termonüvə bombası RDS-37-nin yaradılmasında iştirak edib.

"Xalq qəzeti"