Dövlətimizin başçısının qeyd etdiyi kimi, texnoloji inkişaf qarşıda duran vacib vəzifələrimizdən biridir. Bu gün istər sənaye inkişafı, istər hərbi sənaye kompleksi sahəsində və ümumiyyətlə, hər bir sahədə texnoloji inkişaf və üstünlük böyük əhəmiyyət daşıyır. 

Bildiyimiz kimi, hazırda ölkəmizdə BMT-nin İqlim Dəyişmələri üzrə Çərçi­və Konvensiyasının Tərəflər Konfransı­nın 29-cu sessiyasına – COP29-a ciddi hazırlıq gedir. Ötən ay Nizami Gəncəvi Beynəlxalq Mərkəzinin təşkilatçılığı ilə “COP29-a Aparan Yol: Dayanıqlı və Da­vamlı Gələcək” mövzusunda 3 günlük Yüksək Səviyyəli 29-cu toplantı keçirilib. Prezident İlham Əliyev tədbir iştirakçıları­na müraciətində vurğulayıb ki, artıq uzun zamandan bəri iqlim dəyişmələri ilə mü­barizə qlobal gündəlikdə duran ən vacib və prioritet məsələlər sırasındadır. 

Bəşəriyyətin ortaq problemi olan iq­lim böhranı və onun fəsadları ölkələrin dayanıqlı inkişafına və rifahına əngəl törətməklə yanaşı, sadə insanların da gündəlik həyatlarına və yaşam tərzlərinə əhəmiyyətli dərəcədə təsir göstərir: “Bil­dirmək istərdim ki, Azərbaycan COP29-a var gücü ilə hazırlaşır, yaşıl, ədalətli, ink­lüziv və dayanıqlı dünya naminə həmrəy­liyi gücləndirmək, planetimizin gələcəyi üçün müsbət nəticələr əldə etmək səylə­rini əsirgəmir. Bəşəriyyəti narahat edən iqlim dəyişmələrinə qarşı mübarizədə ölkəmiz digər dövlətlərlə birgə əməkdaş­lıq çərçivəsində ağıllı həllər tapmağa ça­lışacaq, eyni zamanda, biz töhfə vermək istəyən qeyri-hökumət təşkilatları və be­yin mərkəzləri ilə əməkdaşlığa açığıq”. 

Müraciətdə belə bir inam ifadə edilib ki, Nizami Gəncəvi Beynəlxalq Mərkə­zinin üzvləri mitiqasiya və adaptasiya, maliyyələşmə, iqlim dəyişmələri və onun biomüxtəlifliyə, su və qida təhlükəsizli­yinə olan təsirləri, ərzaq və kənd təsər­rüfatı sektorunun hazırkı vəziyyəti, elm, texnologiya və innovasiyanın rolu kimi mövzular ətrafında müzakirələr apar­maqla, COP29-a hazırlıq mərhələsində iqlim fəaliyyəti gündəliyinin irəli aparıl­masına və planetimiz üçün həyati va­cib olan qərarların qəbul edilməsinə öz töhfəsini verəcək.

Oxuculara təqdim etdiyimiz bu sə­hifədə dünyada texnoloji inqilabın yeni­liklərinə, ölkəmizdə maşın və ya proqram təminatını ehtiva edən süni intellektin inkişafı meyilləri, robototexnikanın uzun­müddətli hədəfləri barədə materiallar ək­sini tapıb.