Türkiyə və ABŞ prezidentlərinin görüşünün təşkili istiqamətində iş aparılır və hazırda görüşün yerini müəyyənləşdirmək üçün addımlar atılır. Bunu Türkiyənin xarici işlər naziri Hakan Fidan deyib. Məlumatı “Anadolu” verib. 

Türkiyə diplomatiyasının rəhbəri Antalyada 4-cü Diplomatik Forumun bağlanış mərasimi çərçivəsində təşkil olunan mətbuat konfransında çıxış edərək deyib: “Bu məsələlərlə bağlı işlərimiz davam edir: “Görüşün istər Türkiyədə, istərsə də ABŞ-da olmasından asılı olmayaraq, nə vaxt baş tutacağından asılı olmayaraq, bu, bizim şöbələrimizin hazırda üzərində işlədiyi məsələlərdir”.

Fidan Türkiyə Prezidenti Rəcəb Tayyib Ərdoğanın Suriyaya mümkün səfəri mövzusuna da münasibət bildirib: “Ümumiyyətlə, belə bir niyyət var, müvafiq şərait, tarix və yer üzərində iş gedir”.

Bundan əlavə, nazir Antalyada keçirilən Diplomatik Forumda 155 ölkədən 21 dövlət və hökumət başçısı, 64 nazir, 61 beynəlxalq təşkilatın yüksək səviyyəli nümayəndələri, o cümlədən beyin mərkəzlərindən çoxlu ekspertlər, diplomatlar, elm xadimləri və sahibkarlar daxil olmaqla 6 mindən çox insanı qəbul etdiyini bildirib.

Xarici işlər naziri qeyd edib ki, ADF2025 “diplomatiya standartına” çevrilib. Onun sözlərinə görə, forum özünü mənalı və çoxsəviyyəli məsləhət platforması kimi sübut edib.

P.ƏMİRCANOV

XQ