ABŞ Dövlət Katibi Marko Rubio israr edir ki, bütün NATO müttəfiqləri müdafiə xərclərini ÜDM-in 5%-ə çatdırmağı öhdələrinə götürməlidirlər.

Bunu Rubio Alyansın nazirlər toplantısı başlamazdan əvvəl NATO-nun baş katibi ilə birgə brifinqdə deyib.

Rubio qeyd edib ki, o, NATO-ya üzv ölkələrin bunu etməyə qadir olduğuna inanır. O, həmçinin vurğulayıb ki, bunun üçün müəyyən dövlətlərin büdcələrində pulun olmaması bəhanəsini kafi hesab etmir.

“Bu, təkcə tərəfdaşların və müttəfiqlərin deyil, çox inkişaf etmiş iqtisadiyyatların, daha çox şey edə biləcək zəngin ölkələrin toplantısıdır... Sizi əmin edə bilərəm ki, bizim də milli ehtiyaclarımız var, lakin biz müdafiəyə üstünlük veririk və tərəfdaşlarımızdan da bunu gözləyirik”, - o vurğulayıb.

Marko Rubio bildirib ki, ABŞ-ın bu tələbi qətidir.

O, həmçinin əmin edib ki, müdafiə xərclərinə dair yeni tələblər təkcə Avropa ölkələrinə deyil, həm də ABŞ-ın özünə aiddir: "Biz buradan hər bir üzvün öhdəsinə götürəcəyi və həyata keçirəcəyi, 5%-ə (müdafiə üzrə ÜDM-in) nail olacağı real yol olduğunu başa düşmək istəyirik. Bura ABŞ da daxildir, o da öz payını (müdafiə xərclərini) artırmalıdır, çünki təhdidlər həqiqətən çox ciddidir".

O, həmçinin Rusiya-Ukrayna müharibəsini xatırladıb və qeyd edib ki, bu, digər dövlətlər üçün yenidən silahlanmanın zəruriliyi barədə kifayət qədər siqnal olmalıdır: “Son illərin hadisələri bizə xatırladır ki, gücləndirmək lazımdır.

S.ELAY

XQ