"USS Harry S. Truman" təyyarədaşıyan gəmisinin başçılıq etdiyi zərbə qrupuna daxil olan "USS Gettysburg" raket kreyseri təyyarədaşıyan gəmidən havaya qalxan F/A-18 qırıcı-bombardmançı təyyarəsinə atəş açıb. "Associated Press"in hərbi məlumatına görə, insident Qırmızı dəniz üzərində husilərə qarşı əməliyyat zamanı baş verib.
Kreyser səhvən təyyarəni vurub. Hər iki pilot sağ qalıb, biri yüngül xəsarət alıb.
Bundan bir qədər əvvəl ABŞ Mərkəzi Komandanlığı Yəmənin paytaxtı Sənada husilərin hədəflərinə zərbə endirdiyini açıqlamışdı. Hədəflər raket anbarı və komanda-əməliyyat mərkəzi olub. Sosial şəbəkələrdə şəhərdə baş verən güclü partlayış və yanğının videosu yayılıb.
S.ELAY
XQ
