Ukrayna lideri təhlükəsizlik konfransında çıxış edəcək və bir sıra mühüm görüşlər keçirəcək. Onun ABŞ-ın müdafiə naziri Lloyd Ostinlə görüşəcəyi də bildirilir.

Ukrayna prezidenti Vladimir Zelenski Asiya-Sakit okean regionunda təhlükəsizlik mövzuları üçün əsas platforma olan Şanqri-La Dialoq konfransında iştirak etmək üçün Sinqapura gəlib. O, bu barədə şənbə, iyunun 1-də Telegram-da məlumat verib.

“Ukraynada ədalətli sülhü bərpa etmək, qlobal ərzaq və nüvə təhlükəsizliyini təmin etmək İsveçrədə keçiriləcək Qlobal Sülh Sammitinin vəzifəsidir, buna görə də orada Asiya-Sakit Okean regionunun səsini eşitmək bizim üçün vacib olacaq”, -Ukrayna lideri yazıb. 

Zelenski qeyd edib ki, "Rusiya tanınmış sərhədlərə, beynəlxalq hüquqa və BMT Nizamnaməsinə məhəl qoymadıqda, aclıq, zülmət və nüvə silahı ilə şantajlara məhəl qoymayanda qlobal təhlükəsizlik mümkün deyil".

Prezident bildirib ki, Sinqapurda konfransda çıxış edəcək, bu ada dövlətinin rəhbərliyi ilə, investorlarla , eləcə də ABŞ-ın müdafiə naziri Lloyd Ostinlə bir sıra görüşlər keçirəcək. 

Xatırladaq ki, Zelenski bu həftə Avropa ölkələrinə qastrol səfərində olub. Əvvəlcə İspaniya, Belçika və Portuqaliyada, mayın 31-də isə Ukrayna-Şimali Avropa sammitinin keçirildiyi İsveçdə olub. Cəmi bir həftə ərzində prezident altı təhlükəsizlik sazişi imzalayıb.

S.ELAY

XQ