Almaniyanın Münster Universitetinin alimləri Ayla bağlı maraqlı məlumatlar yayıb. Bildirilib ki, Yerin peykində qeyri-adi maqnit xüsusiyyətlərinə malik qəribə daşlar aşkar edilib.
Tədqiqatçıların fikrincə, həmin daşlar işığı digərlərindən fərqli şəkildə əks etdirir. Universitetin alimi Ottaviano Ryuş isə qeyd edib ki, Ayın maqnit xassələri haqqında hazırkı biliklər çox məhduddur, ona görə də yeni süxurlar peykin tarixinə və onun maqnit nüvəsinə işıq salacaq.
Axtarış alqoritmi 130 minə yaxın “maraqlı daşı” müəyyən edib. Lakin onlardan yalnız biri qeyri-adi maqnit xüsusiyyətlərinə malikdir. Ryuşun fikrincə, bu, daşı təşkil edən tozun xüsusi quruluşu ilə bağlıdır.
P.ƏFƏNDİYEV
XQ