ABŞ Milli Aeronavtika və Kosmik Tədqiqatlar İdarəsi (NASA) və “Lockheed Martin” hərbi-sənaye korporasiyası eksperimental səsdənsürətli “X-59” təyyarəsini təqdim edib. Kaliforniya ştatının Palmdeyle şəhərindəki “Lockheed Martin” zavodunda keçirilən mərasim barədə xəbər NASA-nın saytında yayımlanıb.
“Questst” proqramı çərçivəsində hazırlanan təyyarənin əsas fərqləndirici xüsusiyyəti ondan ibarətdir ki, səs sürətindən yüksək hərəkət edərkən partlayış eşidilmir. NASA ümid edir ki, yeni təyyarənin sınaqları 50 il əvvəl tətbiq edilən, ABŞ və bəzi digər ölkələrdə qüvvədə olan səsdənsürətli kommersiya təyyarələrinin uçuşlarına qoyulan qadağanın aradan qaldırılmasına imkan verəcək.
Tərtibatçılar qeyd edirlər ki, “X-59” prototip deyil, eksperimental təyyarədir və ondan istifadə gələcəkdə səsdənsürətli sərnişin təyyarələrinin hazırlanması üçün məlumatların toplanmasına imkan verəcək.
Təyyarənin uzunluğu 30 metr, qanadları 9 metr və sürəti saatda 1488 kilometrə çata bilir ki, bu da səs sürətindən yüksəkdir.
XQ