“Disneyland” əyləncə parkının qurucusu Uolt Disney ilk “Oskar” mükafatını 1932-ci ildə “Ağılsız simfoniyalar” cizgi filminə görə alıb. Bu mükafat onun 29 “Oskar”ından birincisi idi. Bu rekord bugünədək yenilənməyib.
U.Disneyin ən böyük fəaliyyətlərindən biri uşaqlar üçün nəzərdə tutulan “Disneyland” parkı olub. Kaliforniyadakı parkda sənətkarın filmlərində yer alan personajlar var. Bura 1955-ci ildən açılıb.
Disneyin varisləri hazırda zəngin insanlardır. Bu ailəyə dünyanın müxtəlif şəhərlərindəki 535 mağaza, həmçinin xokkey və beysbol komandaları, telekanallar məxsusdur. Bundan başqa, Yaponiya, Çin və Fransada yerləşən əyləncə parklarından da mənfəət qazanırlar.
Disney 1966-cı il dekabrın 15-də dünyasını dəyişib. O vaxtdan bugünə kimi həmin tarixdə “Disneyland” məkanlarında mərhumun şərəfinə bayraqlar endirilir.
P.ƏFƏNDİ
XQ