Venera fəzada hərəkəti zamanı bir çox mərhələlərdən keçir. Ay planeti kimi, o da tam dairəvi disk, nazik aypara kimi görünə bilər. Günəşin doğmasından əvvəl “Zöhrə ulduzu” səmada ən parlaq obyekt sayılır.
Bununla belə, Venera o qədər kiçik görünür ki, onu aydın görmək üçün teleskop tələb olunur. Təqdim olunan “time-lapse” (kameranın fiksasiyaları-red.) ardıcıllığı 2015-ci ildə 6 ay ərzində Fransa ərazisindən çəkilib və təkcə Veneranın fazasının necə dəyişdiyini deyil, həm də bucaq ölçülərini göstərir.
Qeyd edək ki, Venera və Yer Günəşin eyni tərəfində olduqda, o, daha böyük, lakin dairəvi yox, aypara şəklində görünür. Bu o deməkdir ki, Venera sübhdən əvvəl həmin fazalarda qərar tutub.
Ayan SƏMƏDQIZI,
tələbə-jurnalist