"Luna-25" avtomatik stansiyasından enişdən əvvəl orbitə keçmək üçün impuls verildikdən sonra fövqəladə vəziyyət yaranıb. Bu barədə "Roskosmos"da jurnalistlərə məlumat verilib.
“Bu gün "Luna-25" uçuş proqramına uyğun olaraq, Moskva vaxtı ilə saat 14:10-da stansiyanın enişdən əvvəl orbitə köçürülməsi üçün impuls verilib. Əməliyyat zamanı avtomatik stansiyanın göyərtəsində fövqəladə vəziyyət yaranıb ki, bu da manevrin göstərilən parametrlərlə həyata keçirilməsinə imkan verməyib”, - deyə dövlət korporasiyası bildirib.
Məlumat verilib ki, hazırda rəhbərlik qrupunun mütəxəssisləri vəziyyəti təhlil edirlər.
S.ELAY,
"Xalq qəzeti"
