Almaniya Ukraynaya ilk dəfə 10 ədəd “Leopard 1А5” tankı göndərəcək.
Almaniya mətbuatı yazır ki, “Leopard”larla yanaşı Ukraynaya tanklar və zirehli maşınlar üçün 20 ədəd MG3 pulemyotu, 1035 ədəd 155 mm-lik top mərmiləri və sursatlar, 12 qoşqu və körpü sistemi, 10 radar, 16 “Zetros” yük maşını, 100 min ilk tibbi yardım dəsti veriləcək.
Qeyd edək ki, Rusiya-Ukrayna müharibəsi başlayandan Almaniya dəfələrlə Ukraynaya hərbi yardım paketini təqdim edib. Sonuncu paket iyulun 13-də ayrılıb.
Rizvan FİKRƏTOĞLU,
"Xalq qəzeti"
