Zimbabve, Venesuela və Suriya 2022-ci ilin son nəticələrinə görə dünyanın ən kasıb və ən bədbəxt ölkələri seçilib. Onlar yoxsulluq siyahısında (Misery Index) ilk sıraları tutublar. 

İşsizlik, inflyasiya və bank kreditləri üzrə faiz dərəcələrinə görə dünyada lider olan ölkələ­rin illik reytinqi hər il amerikalı iqtisadçı-professor Stiv Hanke tərəfindən tərtib edilir. Bu il si­yahıda Rusiya da daxil olmaq­la 157 dövlət var.

Hankenin sözlərinə görə, ən bədbəxt 10 ölkəyə Livan, Sudan, Argentina, Yəmən, Uk­rayna və Kuba daxildir. Britani­ya bədbəxtlər siyahısında bir il əvvəllə müqayisədə gerilədi, 153-dən 129-cu yerə yüksəldi. Bu sıçrayışın əsas səbəbi illik 10 faiz inflyasiyadır.

Lakin ABŞ son bir ildə daha xoşbəxt ölkəyə çevrilib: 102-ci yerdən 134-cü yerə yüksəlib. Bu, son onilliklərin ən aşağı iş­sizlik səviyyəsinə görədir.

Rusiya dünyanın ən bəd­bəxt ölkələri reytinqində 76-cı yeri tutur. Professor Hanke Rusiyada yüksək inflyasiyanı əlverişsiz amil adlandırıb. Mi­sery Index siyahısında Rusiya ilə yanaşı Ermənistan, Polşa, Estoniya, Litva, Mali və Rumı­niya yer alır. Belarus reytinqdə 59-cu yerdədir.

Bədbəxt ölkələrin reytinqin­də sonuncu pilləni İsveçrə tu­tur. Mərkəzi Avropa ölkəsi dün­yanın ən zəngin ölkələrindən biridir. BMT-nin son indeksinə görə gözlənilən ömür uzunlu­ğu, təhsilə sərf olunan vaxt və orta əmək haqqı baxımından ən yaxşılar sırasındadır.

Küveyt, İrlandiya, Yaponi­ya, Malayziya, Tayvan, Niger, Tayland, Toqo, Malta da əziy­yət çəkənlər siyahısında ilk 10 finalçı sırasına daxil olub.

Z.BƏŞİRQIZI, “Xalq qəzeti”