Ekologiya və Təbii Sərvətlər Nazirliyinin Milli Hidrometeorologiya Xidmətinin iyunun 5-i saat 19:00-a olan məlumatına əsasən Daşkəsən, Göygöl, Goranboy, Tovuz, Gədəbəydə şimşək çaxıb, yağış yağıb.
Hidrometeoroloji Proqnozlar Bürosundan bildirilib ki, Tovuz rayonunun Kirən məntəqəsində dünən saat 14:55-dən 15:07-dək diametri 20, Goranboy rayonunun Börü, Buzluq və Erkeç kəndlərinə saat 16:40-dan 16:45-dək 8-9 millimetr olan, Gədəbəy rayonunun Samanlıq kəndinə isə saat 17:10-da dolu düşüb.
