Dövlət Miqrasiya Xidmətinin (DMX) 919 Çağrı mərkəzi tərəfindən 2024-cü ilin 9 ayı ərzində 50 min 310 zəng cavablandırılıb.
DMX-dən bildirilib ki, onlardan 43 min 804-ü Azərbaycan dilində, 6 min 12-si rus dilində, 494-ü isə ingilis dilində cavablandırılıb.
Qəbul edilən zənglərin 15 min 677-si müvəqqəti yaşama icazəsi, 824-ü müvəqqəti olma müddətinin uzadılması, 4 min 90-ı vətəndaşlıq məsələləri, 6 min 866-sı olduğu yer üzrə qeydiyyat, 3 min 276-sı daimi yaşama icazəsi, 5 min 435-i iş icazəsi, 2 min 756-sı inzibati xəta, 11 min 386-sı isə digər məsələlərlə bağlı olub.
