Türk xalqlarının ortaq əlifbasının həyata vəsiqə alması Türk dünyasının hər yerin­də böyük sevinc və məmnunluqla qarşı­lanıb. Türkiyənin Uludağ Universitetinin professoru, iqtisadçı və Türk dünyası üzrə mütəxəssis Mehmet Yüce mediaya açıqlamasında bildirib:

– Hər mədəniyyətin təməli dil, dilin təməli isə hərf­dir. Bu baxımdan ortaq əlifba ortaq mədəni irsimizin ən vacib hissələrindən olan ədəbiyyatımızın xalqlarımızın hər bir fərdi tərəfindən rahatlıqla oxunub öyrənməsi­nin də təməlidir ki, bu da qeyd olunan inteqrasiyanın əsasını təşkil edir. Bu baxımdan Türk dünyasında ortaq əlifbanın qəbulu ilə bağlı fəaliyyət ortaq dil və mədə­niyyətlərimizin daha da yaxınlaşması baxımından ol­duqca mühüm layihədir. 

Ortaq əlifbanın mənimsənilməsi türk xalqları ara­sında əlaqəni gücləndirəcək və ortaq mədəni dəyərlərin qorunmasına xidmət edəcək. Bu, həm də SSRİ dağıl­dıqdan sonra müstəqilliyini qazanan və daima birliyi­miz uğrunda mübarizə aparan türk xalqlarının arzuolu­nan inteqrasiyasını təmin edəcək.

Ümumiyyətlə, ortaq əlifbanın qəbulu TDT-nin xalqlarımız arasında uzun illər hər sahə üzrə qopmuş əlaqələrin sürətli bərpası istiqamətində atdığı mühüm addımlardan biri oldu. Ortaq türk əlifbası hərtərəfli or­taqlaşmanı sürətləndirəcək.

XQ