Azərbaycanda ilk dəfə Göygöl rayonunda “Moruq festivalı” keçirilib. Şənliyi giriş nitqi ilə açan Göygöl Rayon İcra Hakimiyyətinin başçısı Elvin Paşayev bildirib ki, ölkəmizdə kənd təsərrüfatı məhsulları istehsalçılarına edilən güzəştlər və yardımlar aqrar sahənin dinamik inkişafını təmin edir. Rayonda moruqçuluq təsərrüfa­tının inkişaf etdiyini vurğulayan icra başçısı hər il təşkil oluna­caq Moruq Festivalının aqrar və turizm sahələrinin inkişafına yardım edəcəyini qeyd edib. 

Türkiyənin Gəncə şəhərindəki baş konsulu Rəcəb Öztop aqroturizm poten­sialından düzgün istifadə, məhsulların brendləşməsi, satış marketinq işinin təşki­li məsələlərinə toxunub. Kənd Təsərrüfatı Nazirliyinin Aqrar İnnovasiya Mərkəzinin direktoru Anar Cəfərov isə aqrar sahədə keçirilən festival və sərgilərin əhəmiyyəti­ni vurğulayıb. Dövlət Turizm Agentliyinin Mədəni irs və regional turizm şöbəsinin müdiri Elgün Cavadov aqrar sahədə festi­valların daxili turizmin inkişafında və regi­onlarda məşğulluq səviyyəsinin artmasında rolundan bəhs edib. Festivala böyük ma­rağın olduğunu deyən Azərbaycan Dövlət Aqrar Universitetinin rektoru Zəfər Qurba­nov və digər natiqlər belə tədbirlərin milli- mənəvi dəyərlərin yaşadılması, fermerlərin yeni bilik və bacarıq əldə etməsində faydalı olduğunu vurğulayıb. 

Göygöl rayonunun Keşkü kəndində 3 hektar ərazidə təşkil olunan festivalda zi­yarətçilərə moruq istehsalı ilə daha yaxın­dan tanış olmaq imkanı yaradılıb, yerli istehsalçılar tərəfindən təqdim olunan mo­ruq sortlarının dequstasiyası və satışı təşkil edilib. 

Xatırladaq ki, moruq xalq təbabətində ən geniş istifadə olunan giləmeyvələrdən sayılır. Çay kimi dəmlənmiş meyvələr so­yuqdəymədə hərarət salan vasitə kimi isti­fadə edilir. Moruq tərkibində ən çox dəmir olan giləmeyvədir. Qlükoza və fruktoza ilə zəngin olduğuna görə ürək-damar və beyin patologiyası zamanı faydalı hesab olunur.

Hamlet QASIMOV,
XQ-nin bölgə müxbiri

Göygöl