Rusiyanın paytaxtında təşkil olunan 37-ci Moskva Beynəlxalq Kitab Sərgisi sentyabrın 4-dən öz işinə başlayıb. Azərbaycan Respublikasının Mədəniyyət Nazirliyinin təşkilatçılığı və Azərbaycan Respublikasının Rusiya Federasiyasındakı səfirliyinin dəstəyi ilə ölkəmiz sərgidə təmsil olunur.

Mədəniyyət Nazirliyindən bildirildi­yinə görə, sərgidə nazirliyin nümayəndələ­ri və uşaq yazıçısı, “İrs” Nağıllar evinin rəhbəri, professor Solmaz Amanova iştirak edirlər. Təmsilçilərimiz sərgi çərçivəsində bir sıra tədbirlərə qatılıblar. Azərbaycana dair yeni nəşr edilmiş qiymətli kitabların nümayiş olunduğu milli stenddə ölkəmizin tarixi, mədəniyyəti və kitab sənəti barədə sərginin iştirakçılarına və ziyarətçilərinə geniş məlumat verilir.

Sərgi çərçivəsində “Kitab sənəti” mü­sabiqəsində Azərbaycan 9 nominasiya üzrə 10 diplom alıb. Solmaz Amanova “Turac və sehrli daraq” kitabı ilə “MDB-də nəşr olunub” nominasiyasında qalib gəlib, həm­çinin “Narmis və Tacşir” kitabı ilə müsa­biqənin Qran-Prisinə sahib olub.

Mükafatçılar sırasında Səbuhi Əhmə­dov (“Azərbaycan silahları IX–XVII əsr­lərdə: təkamül və inkişaf” monoqrafiyası), “Sirus Mirzəzadə: rəngkarlıq, qrafika, mo­numental incəsənət” fotoalbomu, “Azər­baycan Milli Xalça Muzeyi” fotoalbomu da var. 

XQ