Qəzetimizin 105 illik yubileyi münasibətilə ayrı-ayrı kollektivlərdən, müxtəlif peşə sahiblərindən redaksiyamıza çoxsaylı təbriklər daxil olur. “Azərcell Telekom” MMC-dən aldığımız teleqramda deyilir:
“Azərcell Telekom” MMC-nin kollektivi ölkəmizdə mobil rabitənin inkişafına daim informasiya dəstəyi vermiş “Xalq qəzeti”nin 105 illik yubileyini ölkəmizin media tarixinin önəmli hadisəsi kimi qəbul edir. Anadilli medianın ikinci bir nəşrinə bu qədər müddətdə davamlı olaraq işıq üzü görmək qismət olmayıb. Rabitəçilər bu ümummədəni dəyərin öyüncünü sizinlə birlikdə yaşayır.
Ən qocaman və daim mətbuatımızın önündə gedən “Xalq qəzeti”nin kollektivini ölkənin mobil rabitəçiləri adında səmimi təbrik edir, redaksiyay yeni yardıcılıq uğurları arzu edirik”
XQ
.jpg)
