Yeni araşdırma, hər gün bir avokado yeməyin yuxu və qi­dalanma keyfiyyətini yaxşılaşdırdığını üzə çıxarıb. Bu barədə “Penn State” Universitetinin tədqiqatçısı doktor Janhavi Da­mani bildirib. “Əvvəlki araşdırmalardan bilirik ki, avokado istehlakı ürək-damar xəstəlikləri riskini azaldır”, – deyə tə­dqiqatçı qeyd edib. 

Onun sözlərinə görə, bu yaxınlarda Çikaqoda keçirilən konfrans­da təqdim edilən araşdırma avokado ilə bağlı əvvəlki tədqiqatlara əsaslanıb. Burada meyvənin bədən çəkisinə mənfi təsir etmədən ümu­mi xolesterini və LDL-C-ni azaltmaqla ürək-damar risk faktorlarını yaxşılaşdıra biləcəyi göstərilir. 

Cari araşdırma üçün tədqiqatçılar bir qrupa 6 ay ərzində gündə bir ədəd avokado yeməyi tapşırıb. Digər qrupun üzvləri tipik pəhrizlərinə davam edərkən ayda ikidən az avokado yeyiblər. 1000-dən çox işti­rakçını əhatə edən araşdırma zamanı iştrikaçıların pəhriz keyfiyyəti, qan şəkəri, qan təzyiqi, BMI, qan lipidləri, fiziki fəaliyyət və yuxu sağlamlığı da qiymətləndirilib. 

Avokado istehlak etməyənlərdə ürək-damar sağlamlığı ilə bağlı balların azaldığını, lakin bu tendensiyanın avokado yeyənlərdə baş vermədiyi anlaşılıb. Hər gün avokado istehlak edən insanların yuxu keyfiyyəti və xolesterol səviyyələri yaxşılaşıb. 

Araşdırmanın müəyyən qidalar ilə ürək-damar sağlamlığı arasın­dakı əlaqəyə dair əlavə tədqiqatlara səbəb olacağı düşünülür.

Z.HÜSEYNLİ
XQ