Daxili İşlər Nazirliyinin ölkədəki əksər qurumlarında və Azərbaycanın şəhər və ra­yonlarında dünən Poliş günü münasibətilə müxtəlif tədbirlər, təntənəli mərasimlər və şən­liklər keçirilib. Toplantılarda müstəqil dövlətçiliyimizin və ümumi asayişin qorunmasın­da polis orqanlarının mübariz fəaliyyətindən məmnunluqla söhbət açılıb, ölkənin polis or­dusunun rəhbər heyətinin və əməkdaşlarının ünvanlarına səmimi təbriklər səslənib.

Bakı

Suraxanı rayonunda təşkil edilən toplantıda rayon rəhbərliyi, ictimaiyyət təmsilçiləri ərazidə xidmət göstərən polis işçilərini peşə bayramı münasibətilə sə­mimi təbrik edərək onlara fəaliyyətlərində uğurlar arzuyıblar. 

Mərasimdə Daxili işlər naziri, gene­ral-polkovnik Vilayət Eyvazovun 2 iyul – Azərbaycan Polisi Günü münasibətilə daxili işlər orqanlarının şəxsi heyətinə və veteranlarına ünvanlanmış təbrik mək­tubu səsləndirilib. Suraxanı Rayon İcra Hakimiyyətinin başçısı Əziz Əzizov polis əməkdaşlarını peşə bayramı münasibə­tilə təbrik edib, Azərbaycan Respublikası­nın Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə doğma Vətənin daimi tərəqqisi, daha da qüdrətlənməsi naminə xalqa şərəfli xid­mətlərində onlara uğurlar arzulayıb.

Rayon Polis İdarəsinin rəisi Şəhri­yar Şəmşirli ulu öndər Heydər Əliyevin ölkəmizə rəhbərlik etdi­yi dövrlərdən başlayaraq, Daxili İşlər Nazirliyi və onun təşkilati strukturu olan polis orqanlarının dövlətimizin milli maraqlarının müdafiəsində mühüm rol oy­nayaraq inkişaf etdiyini, ictimai asayişin qorunmasında yüksək nəticələr və zəngin təcrübə qa­zandığını bildirib. O qeyd edib ki, bu gün Prezident İlham Əli­yevin həyata keçirdiyi hərtərəfli islahatlar çərçivəsində daxili işlər orqanlarının da müasirləş­məsi üçün hər cür şərait yaradılıb.

Sonda bir qrup polis əməkdaşı Su­raxanı Rayon İcra Hakimiyyəti başçısının Fəxri fərmanı ilə təltif olunub.

Naxçıvan

Azərbaycan Polisinin yaranmasının 106-cı ildönümü münasibətilə Naxçıvan Orta İxtisas Polis Məktəbində muxtar res­publikada Azərbaycan Respublikası Pre­zidentinin səlahiyyətli nümayəndəsi Fuad Nəcəflinin iştirakı ilə təntənəli mərasim keçirilib. 

Fuad Nəcəfli çıxış edərək şəxsi heyətə təbriklərini çatdırıb, onlara xid­məti fəaliyyətlərində uğurlar arzulayıb. Naxçıvan MR daxili işlər naziri, polis ge­neral-mayoru Süleyman Neymətov Azər­baycan Respublikasının daxili işlər naziri, general-polkovnik Vilayət Eyvazovun təb­riklərini şəxsi heyətə çatdırıb. O, ulu ön­dər Heydər Əliyevin rəhbərliyi altında for­malaşan daxili işlər orqanlarının keçdiyi şərəfli və zəngin xidmət yolundan, muxtar respublikada polisin uğurlu fəaliyyətindən danışıb. 

Toplantıda əminliklə bildirilib ki, Azərbaycan Respublikasının Preziden­ti, Müzəffər Ali Baş Komandan İlham Əliyevin yüksək diqqət və qayğısı sayə­sində davamlı inkişafda olan daxili işlər orqanları Naxçıvanda da bundan sonra Vətənə və xalqa şərəflə xidmət edəcək, bu yolda bütün qüvvə və bacarığını əsir­gəməyəcək. 

Mərasim şəxsi heyətin keçidi ilə ye­kunlaşıb.

XQ