Orqanizmdə vitamin-mineral “bomba effekti” yaradan qidalardan biri də mal qaraciyəridir. Rusiyalı terapevt İrina Baranova buna uyğun 5 ərzağın adını sadalayıb.
“Bu ərzaqlardan həftədə 1–2 dəfə yemək eyni vaxtda bir neçə vitamin-mineral almağa səbəb olur. Həmin ərzaqların tərkibində yüksək konsentrasiyada antioksidant, mineral və yağ turşuları var. Əgər həkim tərəfindən ciddi göstəriş yoxdursa, bu vitamin “bomba”ları hər rasionda ola bilər.
Ən yaxşı beşlik: Losos balığı, brokkoli, avokado, pomidor, qaraciyərdir. Bunlar D, C, B12, B9 vitaminləri, kalium, fosfor, maqnezium, selenlə zəngindir”.
Həkim, həmçinin bildirib ki, həmin ərzaqlar güclü antioksidant olub orqanizmi xərçəngdən qoruyur, immuniteti gücləndirir, qanın həcmini və hemoqlobini artırır, hormonal balansı tənzimləyir. O, həftədə 1 dəfə, hər qəbulda 100 qram bu ərzaqlardan yeməyi tövsiyə edir.
Z.HÜSEYNLİ
XQ
