Amerikalı sahibkar İlon Maskın neyrotexnologiya şirkəti “Neuralink” ilk dəfə insan beyninə çip yerləşdirib. Bu barədə biznesmen özü sosial şəbəkədə bildirib.
“Dünən ilk şəxsə “Neuralink” çipi qoyuldu, əməliyyatdan sonra sağalma yaxşı gedir”, – deyə İ.Mask deyib. Sahibkar əlavə edib ki, “Neuralink”in ilk məhsulu “Telepatiya” adlanır. O, insanı düşüncə gücü ilə telefonu və kompüteri idarə etməyə imkan verəcək.
Xatırladaq ki, “Neuralink” standartı 2016-cı ildə İ.Mask tərəfindən yaradılıb. Məqsəd insan beyninə implantasiya ediləcək çiplər hazırlamaqdır.
Biznesmen hesab edir ki, bu cür neyron interfeyslər insanlara düşüncə gücündən istifadə edərək kompüteri birbaşa idarə etməyi öyrənməyə yardımçı olacaq.
N.AYTƏN
XQ