Azərbaycan Mətbuat Şurası İdarə Heyəti 20 il əvvəl Azərbaycan Prezidenti şeçilməsi münasibətilə dövlət başçısı İlham Əliyevə müraciət ünvanlayıb. 

Müraciətdə ötən 20 ildə Prezi­dent İlham Əliyevin rəhbərliyi ilə ölkəmizdə qazanılmış tarixi uğur­lar öyünc və bu nailiyyətlərin müəl­lifinə minnətdarlıq hissi ilə qeyd olunur: “Siz ötən iyirmi ildə hər bir azərbaycanlının Prezidenti, Lideri olmağı bacarmış dövlət başçısı­sınız. Bu, yalnız sözdə ifadə olu­nan deyim yox, mütləq gerçəklik, danılmaz reallıqdır. Elə bir reallıq ki, özündə canlı tarixi yaşadır. Si­zin sayənizdə ölkəmizin son iyirmi ili hər bir vətəndaşın, qəlbi Azər­baycan sevdası ilə döyünən hər bir şəxsin düşüncəsində böyük və şanlı tarixdir. Bu tarixi yaradan Siz olmusunuz”. 

Sənəddə daha sonra bildirilir ki, Azərbaycanın bütün sahələr­də tərəqqisi və dinamik inkişafı, dünya dövlətləri sırasında özünə layiqli yer tutması xalqımızda haq­lı qürur doğurur: “Cəmiyyətimizin bütün təbəqələrinin təmsilçiləri kimi, media nümayəndələri də bu qüruru və fəxarət hissini yaşayır­lar. Prinsipial və qətiyyətli mövqe­yinizin böyük Azərbaycan davası naminə olduğunu görmək və duy­maq bizləri bəxtiyar edir. Dövləti­mizin mövqeyini, Prezident və Ali Baş Komandan kimi fikirlərinizi son dərəcə səlis şəkildə bəyan etmək­lə, bütövlükdə, siyasi nitqin, icti­mai-publisistik üslubun mükəmməl örnəklərinə imza atmısınız. Qəlbi­mizi Sizə olan dərin rəğbət hissi ilə dolub-daşdıran həm də budur”. 

Müraciətdə dövlət başçısı­nın milli jurnalistikanın inkişafına dəstəyi, bu peşənin nüfuzunun yüksəldilməsinə həssaslıqla ya­naşması qədirbilənliklə xatırlanır: “Cənab Prezident, həyata keçirdi­yiniz islahatlar nəticəsində bu gün peşəmiz təşkilatlanmış struktura malikdir. Sərəncamınız əsasın­da yaradılmış Medianın İnkişafı Agentliyinin reallaşdırdığı fəaliy­yət, beynəlxalq standartlara cavab verən “Media haqqında” Qanu­nun qəbulu sahəyə fundamental yanaşmanı ortaya qoymaqdadır. Bütün bunlar isə qarşımızda yeni vəzifələr müəyyənləşdirməkdədir. Çalışacağıq ki, etimadınızı gözlən­tiləriniz səviyyəsində doğruldaq”. 

Sonda Prezident İlham Əliyevin xəyalların gerçəkləşdiyi bö­yük Azərbaycana rəhbərlik etməsi vurğulanır: “35 illik Qarabağ dava­sı Sizin müasir liderlik məharətiniz və qətiyyətiniz nəticəsində Zəfərlə başa çatıb. Sizə Azərbaycan tor­paqlarının işğaldan tamamilə azad edilməsi, dövlətimizin suverenliyi­nin bütün ərazilərimizdə bərpası münasibətilə dərin təşəkkürümüzü də bildirməyi özümüzə borc sayı­rıq. Xalqımıza nəhayətsiz sevinc və qürur hissləri yaşatdığınız üçün bir daha Sizə Azərbaycanın çoxminli jurnalistlər ordusu adından sonsuz minnətdarlığımızı çatdırırıq. Sizin rəhbərliyinizlə dövlətimizin şanlı qələbələr qazanacağınıza əmin ol­duğumuzu bildiririk”.

XQ