Dövlət Sosial Müdafiə Fondu ötən 8 ayda 464 min nəfərə sosial müavinət, 375 min nəfərə Prezident təqaüdü ödəyib.
Həmin dövrdə əhaliyə sosial müavinətlər üzrə ötən ilin müvafiq dövrünə nisbətən 25 faiz çox olmaqla 662 milyon manat, Prezident təqaüdləri üzrə 21 faiz çox olmaqla 428 milyon manat ödənilib. Yanvar-avqust aylarında 90 min 800, sosial ödənişlərin elektron təyinatına başlandığı 2019-cu ildən 520 min müavinət və təqaüd təyinatı e-sistem üzərindən proaktiv qaydada həyata keçirilib.
111 min 900 pensiya, müavinət və təqaüd təyinatı elektron infrastruktur üzərindən, proaktiv qaydada həyata keçirilib.
Əmək və Əhalinin Sosial Müdafiəsi Nazirliyi 2019-cu ilin əvvəlindən başlayaraq həmin sosial ödənişlərin təyinatını elektronlaşdırıb.
Bu da vətəndaşların sosial təminat növlərinə hüquqları yarandığı halda müraciət olunmadan və sənəd təqdim edilmədən onlara müvafiq təyinatların e-qaydada aparılmasına imkan verib.
Ötən dövrdə 92 min500-ü pensiya, 520 mini isə müavinət və təqaüd olan 612 min 500 təyinat e-sistem üzərindən proaktiv qaydada aparılıb.
Zərifə HÜSEYNOVA
XQ
