Gəncənin özünəməxsus şirniyyat və çörək növləri var. Gəncə şəhər sakini Orxan Behbudov xeyli vaxtdır xüsusi dada malik olan “Gəncə təndiri” çörəklərinin bişirilməsi ilə məşğuldur.
Gəncənin yerli buğdası ilə hazırlanan bu çörək öz xüsusi ətri, dadı və keyfiyyəti ilə fərqlənir. Eyni zamanda, özünəməxsus görünüşü ilə seçilən bu çörək növünün hazırlanması böyük zəhmət tələb etsə də, Orxan Fazil oğlu və onun köməkçiləri bu işin öhdəsindən məharətlə gələ bilirlər.
Gəncə sakinləri “Gəncə təndiri” sexində hazırlanan çörəklərin keyfiyyətindən çox razılıq edirlər. Buraya hətta ətraf yerlərdən də məxsusi olaraq gələnlər olur. Orxan Behbudov deyir ki, indi onun əsas məqsədi daimi müştərilərinin inam və etibarını itirməməkdir.
Bu yerdə məşhur atalar misalı yada düşür: çörəyi ver çörəkçiyə, birini də üstəlik...Gəncəli Orxan Behbudov məhz belə çörəkçilərdəndir.
XQ