Mingeçevir

“Azərbaycana rəhbərliyinin birinci dövründə Heydər Əliyev özünün qey­ri-adi idarəçilik bacarığı, məqsədyönlü qərarları ilə qısa müddətdə respubli­kamızın sosial-iqtisadi, elmi-texniki və mədəni sahələrin inkişafında böyük sıçrayışa nail olub”.

Mingəçevir Şəhər İcra Hakimiyyətinin başçısı İlham İsmayılov Gənclər Evində keçirilən “dəyirmi masa”da daha sonra bildirib ki, ümummilli lider Heydər Əliye­vin Azərbaycana rəhbərlik etdiyi hər iki dönəmdə milli adət-ənənələrimizin, mə­dəniyyətimizin, təhsilimizin, elmimizin, dilimizin, ideologiyamızın, ümumilikdə bütün sahələrin inkişaf etdirilməsində mü­hüm rolu olmuşdur.

Tədbirdə çıxış edənlər Ulu öndərin əsasını qoyduğu ideyaların bu gün onun layiqli davamçısı Prezident İlham Əliyev tərəfindən qətiyyətlə davam etdirildiyini bildiriblər. 

Ağstafa 

Ağstafada ümummilli lider Heydər Əliyevin 14 iyul 1969-cu ildə birinci dəfə hakimiyyətə gəlişinə həsr olun­muş toplantı keçirilib. 

Heydər Əliyev Mərkəzində təşkil edilən məclisdə Ulu öndərin zəngin və mənalı həyatından bəhs olunan sənədli film nümayiş etdirilib.

Ağstafa RİH başçısı Seymur Orucov xalqımızın tarixi taleyində misilsiz rol oy­namış Ulu öndərin Azərbaycanda birinci dəfə siyasi hakimiyyətə gəlməsinin tarixi­nin əhəmiyyətindən söz açıb. O bildirib ki, dünya şöhrətli siyasi xadim o illərdə öz müdrik fəaliyyəti ilə müasir tariximizin ən şanlı və parlaq salnaməsini yaradıb. 

Çıxış edənlər 1969–1982-ci illəri haqlı olaraq Azərbaycanın intibah dövrü adlan­dırıblar. 

Şamaxı

Şamaxı Rayon İcra Hakimiyyəti və YAP Şamaxı rayon təşkilatının birgə təş­kilatçılığı ilə ulu öndər Heydər Əliyevin Azərbaycanda ilk dəfə siyasi hakimiyyətə gəlişinə həsr olunmuş tədbir keçirildi.

Dəyirmi masanı giriş nitqi ilə açan ra­yon icra hakimiyyəti başçısı Tahir Məm­mədov bildirdi ki, 1969-cu il 14 iyulundan başlayan intibah illəri Azərbaycanın ta­rixinə hərtərəfli təqəqqi dövrü kimi daxil olub. O dövrdə ulu öndərin müstəsna səy­ləri ilə Azərbaycanın gələcək müstəqilliyi­nin əsasları yaradılmışdı.

Digər çıxış edənlər 14 iyul tarixinin xalqımızın taleyində oynadığı misilsiz roldan danışdılar. Qeyd edildi ki, məhz həmin dövrdən başlayaraq Azərbaycanın hər yerində olduğu kimi Şamaxıda da inti­bah dövrünün əsasının qoymuşdu. 

Şəmkir

Şəmkirin Heydər Əliyev Mərkəzində rayon icra hakimiyyətinin təşkilatçı­lığı ilə “14 iyul 1969-cu il: Müstəqil və qüdrətli Azərbaycanın təməlinin qoyul­duğu gün” mövzusunda tədbirdə Ulu öndərin həyat və fəaliyyətindən bəhs edən videoçarx nümayiş olunub.

Sonra rayon icra hakimiyyəti başçı­sının birinci müavini Süleyman Zeynal­lı bildirib ki, Azərbaycan xalqı Heydər Əliyevin 1969-cu ildə respublikaya rəhbər vəzifəyə təyin olunmasını tarixi hadisə kimi qiymətləndirir və eyni zamanda, ikici dəfə hakimiyyətə gəlişini xalqın qurtuluşu hesab edir. 

YAP Şəmkir Rayon Təşkilatının sədri Fəxrəddin Vəliyev və digər çıxış edənlər də Ulu öndərin Azərbaycan xalqı qarşısın­dakı misilsiz xidmətlərindən bəhs ediliblər.

Göyçay

Heydər Əliyev Mərkəzinin konfrans zalında ümummilli lider Heydər Əliye­vin Azərbaycanada hakimiyyətə gəli­şinin 54-cü ildönümü münasibətilə də­yirmi masa keçirildi.

Məclisi giriş sözü ilə açan Göyçay Ra­yon İcra Hakimiyyətinin başçısının müa­vini Zivər Zeynalova bildirdi ki, bu il 100 illiyini qeyd etdiyimiz Ümummilli liderin ilk dəfə hakimiyyətə gəldiyi 1969-cu il 14 iyul günü xalqımızın tarixi taleyində misilsiz rolu ilə daim xatırlanır. Bu tarix Azərbay­canın xilasının birinci mərhələsi, xalqın özünə qayıdış tarixidir. 

Çıxış edənlər də Ulu öndərin ölkəyə birinci rəhbərliyi illəri yüksəliş dövrü, müstəqilliyin təməllərinin yaradıldığı mər­hələ kimi dəyərləndiriblər.

Goranboy 

Goranboyda rayon icra hakimiy­yətinin təşkilatçılığı ilə Heydər Əliyev Mərkəzində 14 iyul 1969 cu ildə ümum­milli lider Heydər Əliyevin birinci dəfə hakimiyyətə gəlişi mövzusunda konf­rans keçirilmişdir.

Məclisdə çıxış edən rayon icra ha­kimiyyətinin başçısı Məhərrəm Quliyev demişdir ki, Ümummilli lider öz xalqını za­manın mürəkkəb tarixi-siyasi sınaqların­dan uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. Davamlı yüksəliş yolunda inamla irəliləyən müasir Azərbay­can Heydər Əliyevin ideyalarının təntənə­sidir 

Konfransda çıxış edən natiqlər də 1969-cu ilin 14 iyulunu xalqın taleyinə yazılmış işıqlı bir günün başlanğıcı kimi qiymətləndirdilər.

Zaqatala

Ümummilli lider Heydər Əliyevin Azərbaycanda birinci dəfə siyasi haki­miyyətə gəlişinin ildönümü münasibə­tilə dünən Zaqatala şəhərində müstəqil və qüdrətli Azərbaycanın təməlinin qo­yulduğu gün mövzusunda elmi-praktik konfrans keçirilmişdir.

Məclisdə Zaqatala Rayon İcra Haki­miyyəti başçısının birinci müavini Tofiq Əhmədov bildirmişdir ki, dünyaşöhrətli siyasətçi Heydər Əliyevin Azərbaycanda birinci dəfə siyasi hakimiyyətə gəlişi ilə Azərbaycanda sürətli inkişaf mərhələsinin təməli qoyulmuşdur. 

Digər çıxışlarda Ümummilli liderin xalqımız qarşısındakı əvəzsiz xidmətləri bir daha xatırlanmışdır. öz layiqli yerini tutmuşdur.

Hamlet QASIMOV, 

İlqar HƏSƏNOV, 

“Xalq qəzeti”nin bölgə müxbirləri