Fitoterapistlərin fikrincə, qanın beyinə daha yaxşı getməsinə kömək edən bitkilər var ki, onların bir çoxu əsrlər boyu sınaqdan keçirilib.
Qıfotu.Tərkibinə beyin toxumalarında maddələr mübadiləsini aktivləşdirən, həmçinin mikrosirkulyasiyanı yaxşılaşdırmaq, aterosklerotik çöküntülərin qarşısını almaq qabiliyyətinə malik olan alkaloidlər daxildir.
Kəklikotu. Təsadüfi deyil ki, bu ot işemiya və arterial təzyiqin müalicəsi üçün istifadə edilən əksər preparatlara daxildir. Fakt budur ki, kəklikotu qanın dəqiqəlik həcmini artırır, kiçik kapilyarlarda da qan dövranını yaxşılaşdırır.
Valerian – pişikotu. Yüngül sakitləşdirici təsirə malikdir, həmçinin beynin məlumat emalını stimullaşdırır. Effektiv və təhlükəsizdir. Çox istifadə edilir.
Rozmarin. Mərkəzi sinir sistemini patologiya riskindən qoruyur. İnsulinə bənzər təsiri var. Qeyd edək ki, rozmarinə mərzə, ət otu da deyirlər.
Zərifə HÜSEYNLİ, “Xalq qəzeti”