Əziz oxucular, rubrikamızın növbəti materialını sosial şəbəkə fəalı, həkim-yazar Hümbət Həsənoğlunun “Facebook” səhifəsindən götürmüşük. Bir qədər əvvəl onun ibrətamiz yazısını təqdim etmişdik. Bu dəfə isə Hümbət Həsənoğlunun “Samovar və dəm çaydanı” adlı pritçası ilə tanış olun:
“Samovar dəm çaydanına irad tutdu:
–Hər stəkana əyilmə, mənim kimi qürurlu ol, qoy, stəkanları sənin yanına gətirsinlər.
Caydan ona belə cavab verdi:
–Olanımla bölüşdüyümdən hər stəkana əyilməyimdən narahat deyiləm, əksinə məmnunam. Elə bu səxavətimə görə də məni insanlar həmişə sənin başının üstünə qoyurlar.
Samovar daha deməyə söz tapmadı”.
Ə.ƏLİYEV, “Xalq qəzeti”
.jpg)
