Ümummilli lider Heydər Əliyevin 100 illik yubileyi tədbirləri çərçivəsində Heydər Əliyev Fondunun Vyetnamın Hazianq əyalətində inşa etdirdiyi məktəbin müəllim-şagird kollektivi ilə görüş keçirilib.

Xarici İşlər Nazirliyinin mətbuat xidmətindən qəzetimizə bildirilib ki, əyalətin Bakme rayonunun Ziap Çunq qəsəbə məktəbində keçirilən tədbirdə çıxış edən ölkəmizin Vyetnamdakı səfiri Şövqi Mehdizadə görkəmli dövlət xadi­mi Heydər Əliyevin öz xalqına xidmət­də keçmiş həyatından danışıb, onun ölkələrimiz arasında dostluq əlaqələri­nin möhkəmlənməsindəki əvəzsiz rolu­nu vurğulayıb. 

Görüşdə bildirilib ki, ulu öndərin adını daşıyan, onun ideyalarını yaşa­dan Heydər Əliyev Fondu ölkəmizdə və xaricdə bir sıra sosialyönümlü layihə həyata keçirib. Ziap Çunq qəsəbəsində ibtidai məktəb binasının inşası Heydər Əliyev Fondunun xeyirxahlıq missiya­sının göstəricisi olmaqla yanaşı, Azər­baycanın Vyetnam ilə münasibətlərə verdiyi önəmin təzahürüdür. 

Məktəbin direktoru qeyd edib ki, ulu öndərin adını daşıyan fondun dağlıq Ziap Çunq qəsəbəsində inşa etdirdiyi məktəb binası burada yaşayan uşaqla­ra müasir təhsil almaq imkanları yara­dıb. O, bu humanist addıma görə Azər­baycana və Heydər Əliyev Fonduna dərin təşəkkürünü ifadə edib. 

Sonda məktəbin şagirdlərinə ölkə­mizin milli suvenirləri hədiyyə edilib.

“Xalq qəzeti”