“Növbədən qayıdanlar” dünya şöhrətli rəssam Tahir Salahovun məşhur rəsm əsərlərindən biridir. 1957-ci ildə çəkilən bu sənət əsəri rəssamın neft mövzusunda yaratdığı ilk əl işidir. Rəsm zamanında sənətsevərlər tərəfindən böyük rəğbətlə qarşılanıb.
İncəsənət tənqidçisi olan Yekaterina Degot deyib: “Növbədən qayıdanlar” əsərində insanlar nisbətən rahat və gərginlikdən uzaqdırlar. Bu əsərlə rəssam bizə neftçilərin çəkdikləri əzab-əziyyətləri göstərmək istəyib, düzünü desək, buna nail olub. Elə buna görədir ki, əsər təkcə Azərbaycanı yox, dünya incəsənətinin inciləri siyahısındadır”.
Yeri gəlmişkən, tabloda rəsm əsərində rəssam əsasən “soyuq” rənglərdən istifadə edib. Hətta, demək olar ki, “isti” rənglərə müraciət edilməyib.
Rəsm əsəri hazırda Sankt-Peterburqdakı Rusiya İncəsənət Akademiyasında saxlanılır.
Leyla HADİ, tələbə-jurnalist