Filologiya üzrə fəlsəfə doktoru Aynur Familqızı sosial şəbəkələrdə xalqımızın milli-mənəvi, əxlaqi dəyərləri ilə bağlı müzakirələrdə vətəndaş fəallığı ilə seçilən dəyərli ziyalılardandır.
Aynur xanımın insan və təbiət, ətraf mühtin təmizliyi mövzularında, xüsusilə güllərə, quşlara, bütün canlılara qayğının vacibliyi ilə əlaqədar səmimi paylaşımları da diqqəti cəlb edir.
Bu günlərdə A.Familqızı özünün “Facebook” səhifəsində sülh və harmoniya rəmzi olan göyərçinlə əlaqədar kövrək düşüncələrini paylaşıb. Orada yazılır: “Bu gün (dünən) UNEC-in 4-cü tədris binasında online formada mühazirə deyərkən, bir göyərçin uçub auditoriyanın pəncərəsinə qondu. Xeyli vaxt içəri boylandı, sonra sakitcə dayandı. Mənim səsim, danışığım heç də ona təsir etmirdi, çox rahat, sərbəst idi.
Bu çağırılmamış qonaq məni çox sevindirdi, həm də audutoriyaya bir nəfəs gətirdi, ruhum təzələndi. Yadıma gözəl bir şeir düşdü:
Bu dünyaya görən niyə gəlmişik,
Yerimiz ki, bura deyil, göyərçin!
Qulağına deyiləsi sözüm var,
Boyum çatmır bir az əyil, göyərçin!
Mən yerdə yalqızam, sən göydə yalqız
Suallarım niyə qaldi cavabsız…
Mənim ki, ümidim sənəydi yalnız,
Quruyubmu ağzında dil, göyərçin!
Hazırladı: M.HACIXANLI, “Xalq qəzeti”
