Düzgün pəhriz gec nahar və qəlyanaltılardan çəkinməklə başlayır. Gecələr karbohidratlarla zəngin qidalar yemək xüsusilə zərərlidir. Bunlar təkcə şirniyyat deyil, həm də dənli bitkilər, makaron, nişastalı tərəvəzlər, fast food, alkoqoldur. Bu fikirləri qida sənayesi mütəxəssisləri bildiriblər.
Onların fikrincə, qanda qlükoza səviyyəsinin dəyişməsi, gecə yemək istəyilə əlaqələnir ki, bu da yuxunun keyfiyyətini pisləşdirə bilər. Yatmazdan əvvəl qəlyanaltı yemək istəyirsinizsə, o zaman düzgün yağlar və protein komponentləri olan qidalar seçmək vacibdir. Balqabaq və ya çətənə toxumu, habelə, toyuq və ya bildirçin yumurtası, avokado və bitki çayı da faydalı olar.
Zərifə BƏŞİRQIZI, “Xalq qəzeti”