Hollanda-Azərbaycan Türk Kültür Dərnəyinin rəhbəri İlhan Aşkının təşəbbüsü ilə Niderlandın “Algemeen Dagblad” qəzetində Xocalı soyqırımı haqqında məqalə dərc olunub.
Diasporla İş üzrə Dövlət Komitəsindən bildiriblər ki, məqalədə 1992-ci il fevralın 25-dən 26-na keçən gecə 106-sı qadın, 83-ü uşaq, 70-i yaşlı olmaqla, 613 əliyalın xocalılının qətlə yetirildiyi bildirilib, Xocalı həqiqətlərinə diqqət çəkilib.
Qeyd edək ki, Hollanda-Azərbaycan Türk Kültür Dərnəyinin layihəsi əsasında “Kamperfoeliestraat” parkında Xocalı soyqırımının qurbanlarının xatirəsini əbədiləşdirmək məqsədilə abidə ucaldılıb. Hündürlüyü 2 metrə yaxın olan abidənin üzərində körpəsini başının üzərinə qaldıran ana təsvir olunub.
