Avropa Şurası Parlament Assambleyasının qış sessiyasında Azərbaycan nümayəndə heyətinin etimadnaməsinin qəbul edilməməsi Azərbaycana qarşı növbəti ikili standartlardan və qərəzlilikdən xəbər verir.
Bu barədə İsrail Təhlükəsizlik Akademiyasının Qafqaz üzrə Azərbaycandakı Regional Nümayəndəliyinin yaydığı bəyanatda deyilir.
AŞPA-nın bu məntiqsiz və absurd addımı bəzi məkrli qüvvələrin sifarişidir. Bu hal birmənalı olaraq Azərbaycana qarşı təzyiq məqsədi daşıyır. Təəssüf ki, Avropada bəzi dairələr ermənipərəst mövqedən çıxış edirlər.
Bəyanatda vurğulanır ki, hazırda Ermənistanda anti-semitizm tüğyan edir, Sinaqoqa‚ Yəhudi ibadət yerlərinə hücumlar‚ vandalizm aktları baş verir. Amma çox təəssüf ki, mövcud dünya birliyi ermənilərin bu qeyri-insani addımlarına göz yumur. AŞPA-nın ən birinci münasibət bildirəcəyi məsələlərdən biri Ermənistandakı belə halların pislənilməsi olmalıdır. Hazırda AŞPA-nın Azərbaycana qarşı sərgildiyi qərəzli yanaşma da bu ikili standartların açıq təzahürüdür.
“AŞPA-nın və Fransa Parlamentinin anti-Azərbaycan xarakterli qərəzli qərarını qəti şəkildə pisləyirik. Bütün qərəzli və heçbir hüquqi əsası olmayan anti-Azərbaycan kampaniyalarına qarşı Azərbaycana öz dəstəyimizi ifadə edirik”, deyə bəyanatda bildirilir.
